Suðurgata 41 í Hafnarfirði (Lífsgæðasetrið)

Alzheimersamtökin vinna að hagsmunum fólks með heilabilun auk þess að sinna stuðningi, ráðgjöf og fræðslu. Áætlað er að um 5-6.000 manns glími við heilabilun á Íslandi. Heilabilun eru ekki hluti af eðlilegri öldrun. 

Umsjón með stuðningshópnum hafa Björg Jónína og Olga Ásrún, Alzheimertenglar á Akureyri. 

Stuðningshópur fyrir aðstandendur fólks með heilabilun. 

Aðstandendur eru fjölbreyttur hópur með ólíkar þarfir en eiga það sameiginlegt að eiga ástvin heima, í dagþjálfun eða á hjúkrunarheimili. Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

Stuðningshópur fyrir aðstandendur á Akureyri

Aðstandendur fólks með Alzheimer eða aðra heilabilun eiga það sameiginlegt að eiga ástvin heima, í dagþjálfun eða hjúkrunarheimili.


Markmið samverunnar er að hittast, spjalla og deila reynslunni. Stuðningur annara í svipuðum aðstæðum getur bætt líðan og dregið úr streitu. Engin skipulögð dagskrá bara mæta og spjalla. Rödd ykkar skiptir máli.

Alzheimertenglarnir Birna og Sigga verða á staðnum. 


Makar og nánir ættingjar hjartanlega velkomnir 

Hvað gerist frá því að grunur vaknar um heilabilun þar til greining liggur fyrir?

Helga Eyjólfsdóttir, öldrunarlæknir og yfirlæknir á Minnismóttökunni á Landakoti, fjallar um hlutverk heilsugæslunnar, heimilislæknis og Minnismóttökunnar, hvaða rannsóknir eru framkvæmdar og hvernig ferlið gengur yfirleitt fyrir sig.

Einnig ræðir hún hverju fólk geti átt von á í ferlinu og hver tímalínan sé alla jafna, frá fyrstu heimsókn til eftirfylgni og stuðnings.

FYRIRLESARI

Helga Eyjólfsdóttir er sérfræðingur í lyf-  og öldrunarlækningum og starfar sem yfirlæknir heilabilunareiningar öldrunarlækninga á Landspítala. Þá er hún einnig dósent í Læknadeild HÍ.

Öll velkomin. 
Engin skráning nauðsynleg.

Fyrirlesturinn verður haldinn í húsnæði samtakanna í St. Jó í Hafnarfirði á 3. hæð.
Hann verður tekinn upp og settur á vefinn okkar daginn eftir.

Greiningarferli heilabilunar – hvar á að byrja og hvað tekur við?

Í nóvember 2025 var lokið öllum undirbúningi fyrir mælingu á svokölluðu p-tau-217 próteini úr blóðsýni á rannsóknastofu Landspítalans. Búið er að setja beiðni um þetta tiltekna blóðsýni inn í kerfi spítalans og geta því læknar minnismóttökunnar pantað hana á sama hátt og aðrar blóðprufur. Það þarf að vísu að vera fastandi þegar blóðið er tekið og þarf því væntanlega að koma sérstaka ferð í blóðrannsóknina en sýnið er þó hægt að taka á Landspítalanum við Hringbraut eða í Fossvogi auk Landakots. Þetta verður mælt einu sinni í viku og biðin eftir svari verður því oftast ekki lengri en vika.

Rannsóknir undanfarandi ára benda til þess að aðferðin sé ábyggileg og að í yfir 80% tilvika sé niðurstaðan afdráttarlaus, annað hvort til stuðnings Alzheimer greiningu eða að niðurstaðan sýni að sjúkdómurinn sé mjög ólíklegur. Í um 20% tilvika er niðurstaðan ekki eins afgerandi og þá þarf meira til, annað hvort með skoðun á mænuvökva eða greining með jáeindaskanna.

Fyrstu mánuðina hið minnsta munu læknar minnismóttökunnar skoða niðurstöður blóðsýnis til hliðsjónar við niðurstöður úr mænuvökvasýnum þannig að þeirri rannsókn fækkar ekki til að byrja með. Það er hins vegar hugsanlegt að blóðsýni komi í staðinn fyrir töku á mænuvökva þegar fram líða stundir ef niðurstaðan er afdráttarlaus og að því gefnu að rannsóknin reynist jafn ábyggileg og vísindarannsóknir hafa sýnt.

Í bígerð er að koma einnig á mælingum á mænuvökvasýnum á rannsóknstofu Landspítalans og þá mun biðin eftir svari styttast úr um fjórum vikum í eina. Greining á Alzheimer sjúkdómi verður því í framtíðinni styttri og í mörgum tilvikum einfaldari.

Það er áhugi á að skoða hvort aðferðin geti greint sjúkdóm í einstaklingum sem hafa engin einkenni en um það er enn deilt. Það verður að minnsta kosti ekki gert fyrr en hægt er að bjóða upp á meðferð hjá þeim sem hafa jákvætt sýni en engin einkenni en ekki er ljóst hvenær það getur orðið.



Nýjung í greiningu á Alzheimer sjúkdómi

Ef þitt bæjarfélag hefur áhuga á að setja upp bekk þá má endilega hafa samband við okkur í síma 533 1088 eða senda okkur tölvupóst á alzheimer@alzheimer.is

Grundarfjörður er nýjasti bærinn til að setja upp fjólubláan bekk sem miðar að því að efla fræðslu og stuðla að opnari umræðu um heilabilun. Bekkurinn stendur á gangstíg við Hrannarstígs í nágrenni við dvalarheimilið Fellaskjól og Paimpolgarðinn sem er afar friðsælt og fallegt svæði 💜

Það var að frumkvæði bæjarstýrunnar sem bekkurinn var settur upp en þjónustumiðstöð Grundarfjarðar málaði hann og setti upp.

Grundarfjörður skartar fjólubláum bekk

Ljóst er að þörfin á þessu fyrirlestri er mikil og við höfum því ákveðið að endurtaka hann reglulega. Þeir sem komust ekki að þessu sinni geta þó vissulega horft á upptökuna með því að smella á hlekkinn hér að neðan.

Við þökkum Brynhildi innilega fyrir þetta mjög svo þarfa erindi.



Vegna mikilla vinsælda fengum við Brynhildi Jónsdóttur, sálfræðing, til að endurtaka fyrirlesturinn sinn um aðstandendur og helstu áskoranir á ólíkum stigum. Þörfin reyndist  greinilega mikil en fullt var út úr dyrum, í orðsins fyllstu merkingu, og einhverjir þurftu því miður frá að hverfa. Fyrirlesturinn var þó tekinn upp og hægt er að nálgast hann hér að neðan. 


Áskoranir á mismunandi stigum og mikilvægi sjálfsumhyggju

Brynhildur fór yfir helstu áskoranir aðstandenda frá fyrstu grunsemdum og greiningarferli, í gegnum dagþjálfun og hvíldarinnlagnir, og allt til flutnings á hjúkrunarheimili. Í þessu ferli þurfa fjölskyldur að takast á við margar krefjandi aðstæður og áskoranir. Þá talaði hún einnig um nánd, breytt hlutverk, flóknar tilfinningar sem þarf að vinna úr og mikilvægi þess að aðstandendur hlúi að eigin líðan.


Brynhildur hefur í starfi sínu með stuðningshópum og í sálfræðiviðtölum öðlast dýrmæta innsýn í reynslu aðstandenda og deildi hún fjölmörgum dæmum úr starfi sínu.

Eftir erindið komu fram margar góðar og málefnalegar spurningar úr þéttsetnum salnum, meðal annars um heimsóknir í hvíldarinnlögnum, sektarkennd í kjölfar flutnings á hjúkrunarheimili, hvort hún hverfi einhvern tímann og hvernig best er að halda jólin þegar mikið hefur breyst. Brynhildur svaraði af mikilli næmni og hvatti fólk jafnframt til að nýta stuðningshópana til að hitta aðra í svipuðum aðstæðum.

Aðstandendur fylltu húsið – mikil eftirspurn eftir fræðslu og stuðningi

Á Íslandi er talið að á milli 5-6.000 einstaklingar glími við heilabilun. 

Heilabilun er ekki eðlileg öldrun, en með hækkandi aldri aukast líkurnar á heilabilun.

Ein besta forvörnin gegn heilabilun er regluleg hreyfing. 

Menntun og hugræn virkni á lífsleiðinni er verndandi þáttur gagnvart heilabilun.

Neyttu næringarríks mataræðis til að draga úr líkunum á veikindum síðar á ævinni. 

Þjálfaðu heilann reglulega og haltu áfram að læra út lífið.

Félagsleg tengsl minnka bæði líkur á heilabilun og hægja á framgangi heilabilunar. 

Heyrnar- og sjónskerðing eru áhættuþættir fyrir heilabilun. Nýttu þau hjálpartæki sem eru í boði til að minnka líkur á heilabilun. 

Konur eru líklegri til að greinast með Alzheimer.

Fáðu nýjustu upplýsingar og fréttir í tölvupósti

Fróðleikur um starfsemi sem er í gangi og nýjungar

Styrkja samtökin

Fræðslufundir

Hafðu samband

Skráning á póstlista

Fréttir

Styrkja samtökin

Fræðslufundir

Hafðu samband

Viðburðir á döfinni

9

Stuðningshópur fyrir aðstandendur á Akureyri

9

Aðstandendasamvera í Borgarnesi

9

Greiningarferli heilabilunar – hvar á að byrja og hvað tekur við?

Vissir þú að...

Fréttir frá samtökunum

Nýjung í greiningu á Alzheimer sjúkdómi

Grundarfjörður skartar fjólubláum bekk

Aðstandendur fylltu húsið – mikil eftirspurn eftir fræðslu og stuðningi

Vörur í boði

Bjart í álfasteinum

Taupoki og buff

Stuttermabolur

Við erum hér til að hjálpa