Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Stuðningshópurinn er í umsjón Brynhildar Jónsdóttur sálfræðings. Eftir mastersnám starfaði Brynhildur á Minnismóttökunni á Landakoti við taugasálfræðilegar greiningar á fólki sem þangað leitaði vegna gruns um byrjandi heilabilun.

Brynhildur starfaði einnig sem klínískur sálfræðingur á Áfalla- og sálfræðimiðstöðinni þar sem hún sinnti greiningum og meðferð á sálrænum vanda hjá fullorðnum.

Aðstandendur eru fjölbreyttur hópur með ólíkar þarfir en á það sameiginlegt að eiga ástvin á hjúkrunarheimili. Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

Lífsgæðasetur St.Jó - 3.hæð, Suðurgata 41, 220, Hafnarfjörður

Stuðningshópur fyrir aðstandendur með maka með heilabilun á hjúkrunarheimili

Alzheimerkaffið er tilvalinn vettvangur til að hittast og gleðjast saman. Samkoman er ætluð fólki með heilabilun og aðstandendum þeirra og er upplagt að koma þar saman, hlýða á stutt erindi/skemmtun, spjalla og gæða sér á kaffi og góðum veitingum sem Sóroptimistar sjá um.

Sveinn Arnar Sæmundsson stjórnar samsöng og spilar undir á píanó.

Kaffigjald er 500,- kr. engin þörf á að skrá sig - bara að mæta!

Alzheimerkaffi er ætlað fólki með heilabilun og aðstandendum þeirra. Tilgangurinn er að gefa fólki tækifæri til að koma saman, þar sem þeirra þörfum er mætt og opna umræðu um áskoranir fólks með heilabilun. 

Fundur haldinn mánudaginn 13. janúar 2025 kl. 12:00-13:00.

Taktu þátt í rafræna stuðningshópnum með því að ýta á hlekk hér fyrir neðan.

Stuðningshópurinn er í umsjón Önnu Siggu Jökuls Ragnheiðardóttur. Anna Sigga hefur starfað sem klínískur sálfræðingur í 14 ár. Lengst af á öldrunardeildum LSH, krabbameinsfélaginu Krafti og Kvíðameðferðarstöðinni. Þar hefur hún sinnt mati og meðferð meðal annars í tengslum við langvinn veikindi, streitu, áföll, kvíða og lágt sjálfsmat.

Aðstandendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili. Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

Rafrænn stuðningshópur fyrir aðstandendur fólks með heilabilun 

01_Dagskrá janúar 2025.pdf

Við hjá Alzheimersamtökunum hlökkum til að halda inn í nýtt ár með ykkur öllum og vonum að þið verðið dugleg að nýta þá þjónustu sem við bjóðum upp á og hvetjum ykkur til að mæta á auglýsta viðburði 💜

Í janúar verður ýmislegt á döfinni og má þar meðal annars nefna stuðningshópa, Alzheimerkaffi og fræðsluerindi. Viðburðir eru auglýstir undir viðburðadagatali okkar á heimasíðunni og þar er hægt að nálgast frekari upplýsingar. 

Stjórn og starfsfólk Alzheimersamtakanna senda félagsmönnum og öðrum velunnurum kærar kveðjur og óskir um gleðilega hátíð 🎄

Skrifstofan verður lokuð frá kl. 12:00 föstudaginn 20. desember 2024 til kl. 09:00 fimmtudaginn 2. janúar 2025.

Hægt er að senda okkur tölvupóst á alzheimer@alzheimer.is og svörum við eins fljótt og við getum á nýju ári 🎉

Fyrsta Bekkjaganga Alzheimersamtakanna fór fram á árinu þar sem gengið var frá fjólubláa bekknum við Sundhöllina í Hafnarfirði að Lífsgæðasetrinu þar sem samtökin eru til húsa. Það er skemmst frá því að segja að það var frábær mæting og öllum var boðið í kaffi og kleinur á eftir. 

Hér er hægt að lesa meira um fjólubláu bekkina

Það er ljóst að þetta er viðburður sem er kominn til vera árlega hér eftir og vonandi á fleiri stöðum. 

Alzheimerkaffi voru haldin í Hæðargarði í Reykjavík einu sinni í mánuði nema yfir hásumarið og einnig víða um land þar sem sjálfboðaliðar vinna mikilvægt starf í sínu nærumhverfi. 

Alzheimerkaffi er viðburður þar sem fram fer fræðsla, spjall, kaffi, hljóðfæraleikur og gjarnan söngur og er ætlað fólki með heilabilun og aðstandendum þeirra. Alzheimerkaffi er tilvalinn vettvangur til að hittast og eiga notalega samverustund.

Hér má nálgast upplýsingar um alla viðburði

Styrktartónleikar voru haldnir fyrir fullu húsi í Bæjarbíói í Hafnarfirði þar sem komu fram Friðrik Dór, GDRN, Sigga Beinteins, Jón Ólafs og Hildur Vala, Guðrún Árný og hélt Felix Bergsson utan um þetta allt saman sem kynnir. 

Við erum listamönnunum sem gáfu vinnu sína, gestum og starfsfólki í Bæjarbíói þakklát fyrir að taka þátt í þessu með okkur. 

Hér má sjá stutt myndband af tónleikunum

Mikið og öflugt fræðslustarf fór fram á árinu. Fræðslufundir voru haldnir einu sinni í mánuði í Lífsgæðasetrinu þar sem spennandi fyrirlestrum var einnig streymt á alzheimer.is. 

Hér má finna upptökur af öllum fræðslufundum

Sigurbjörg fræðslustjóri var einnig á ferðinni allt árið að fræða almenning og fagfólk um heilabilun og ýmislegt sem henni tengist. 

KRingar höfðu samband við okkur og efndu til styrktarleiks fyrir Alzheimersamtökin. Það var leikur KR og Víkinga í Bestu deild karla í knattspyrnu. 

Á Facebook síðu KR má sjá viðtöl við KRinga sem deila reynslu sinni sem aðstandendur

Við erum KRingum mjög þakklát en það söfnuðust 2.735.353 kr. sem runnu til Alzheimersamtakanna. 

Aðstandendur hafa nýtt sálfræðiþjónustuna vel árinu. Brynhildur Jónsdóttir sálfræðingur heldur utan um þjónustuna. 

Félagsmenn Alzheimersamtakanna geta pantað viðtal við sálfræðing í síma 533 1088 eða með því að senda tölvupóst á alzheimer@alzheimer.is. Viðtalið kostar 5.000 kr.

Við fjölguðum Heilavinum (mánaðarlegum styrktaraðilum) um tæplega 1.000 á árinu. Þetta er gríðarlega mikilvægur þáttur í fjármögnun á rekstri samtakanna. 

Heilavinir styrkja samtökin með mánaðarlegum styrkjum og ákveða upphæðina sjálfir sem skuldfærist sjálfkrafa af korti eða reikningi viðkomandi. 

Alzheimersamtökin eru í norrænu samstarfi við systurfélög á hinum norðurlöndunum og var komið að okkur í ár að halda árlegan fund. 

Fundurinn var vel heppnaður og er mikilvægt að skiptast á þekkingu við löndin sem við berum okkur helst saman við. 

Vinnudagur með sjálfboðaliðum eða tenglum Alzheimersamtakanna á landsbyggðunum var haldin í Lífsgæðasetrinu í september. 

Alzheimersamtökin eru svo heppin að vera í frábæru samstarfi við fjölda sjálfboðaliða um land allt. 

Ef þú hefur áhuga á að gerast sjálfboðaliði smelltu þá hér

Alzheimersamtökin framleiddu myndbönd með það að markmiði að vekja athygli á einkennum heilabilunar og mikilvægi þess að þekkja þau svo leitað sé til læknis sem allra fyrst þegar einkenna er vart. 

Myndböndin vöktu mjög mikla athygli og fengum við tækifæri til þess að vekja athygli á heilabilun í fjölmiðlum í kjölfarið. 

Smelltu hér að neðan til að horfa á myndböndin

Árleg ráðstefna Alzheimer Europe fór fram í Genf þetta árið og voru Alzheimersamtökin þátttakendur þar en Sigurbjörg fræðslustjóri flutti erindi á ráðstefnunni og Harpa forstöðukona Seiglunnar kynnti starfsemi Seiglunnar á veggspjaldi.

Að sækja slíkar ráðstefnur veitir okkur innblástur og hugmyndir um hvernig við getum gert enn betur í okkar starfi. 

Ráðgjafarþjónustan hefur vaxið og dafnað á árinu undir stjórn Ástu Kristínar sem býður upp á ráðgjöf í Lífsgæðasetrinu, í gegnum síma eða fjarfund fyrir öll sem vilja, endurgjaldslaust. 

Ásta Kristín var einnig á ferðinni um landið þar sem hún bauð upp á ráðgjöf. 

Hér eru frekari upplýsingar um ráðgjöfina

Hægt er að panta tíma í síma 520 1082 eða í radgjafi@alzheimer.is

Reykjavíkurmaraþonið er stór þáttur í starfi samtakanna á hverju ári. Alzheimersamtökin færa öllum sem hlaupa í nafni samtakanna stuttermabol og buff og hvetja hlaupara við Ægisíðuna í hlaupinu sjálfu.

Í ár söfnuðust um 12 m.kr. sem er met í áheitasöfnun. Við erum hlaupurum og þeim sem heita á þá mjög þakklát fyrir stuðninginn. 

Í haust hófst nám í ráðgjöf í málefnum fólks með heilabilun við Háskólann á Akureyri. Það er stórt skref í þeirri vegferð að auka þekkingu á heilabilun á meðal fagfólks. 

Alzheimersamtökin eru stolt af því að hafa átt þátt í að koma náminu af stað og er þátttakandi í fræðslu til nemenda á námstímanum. 

Hér má nálgast frekari upplýsingar um námið

Nám í ráðgjöf í málefnum fólks með heilabilun

Á alþjóðlegum degi Alzheimer 21. september stóðu samtökin fyrir ráðstefnunni „Taktu málin í þínar hendur“ á Grand hótel. 

Óhætt er að segja að hún hafi heppnast vel en fullt var út úr dyrum og mikill fjöldi fylgdist með áhugaverðum erindum í streymi. 

Hér má nálgast upptöku af ráðstefnunni

Nýr verndari Alzheimersamtakanna Björn Skúlason maki forseta tók við því hlutverki á árinu af Elizu Reid. 

Við þökkum Elizu fyrir frábæran stuðning og hlökkum til að vinna með Birni á næstu árum. 

Stuðningshóparnir okkar voru gríðarlega vel sóttir á árinu og eru nú orðnir fimm, almennur hópur fyrir aðstandendur fólks með heilabilun, fyrir yngri afkomendur, fyrir fólk sem á maka á hjúkrunarheimili, fyrir aðstandendur fólks með Lewy-body sjúkdóminn og loks rafrænn stuðningshópur sem fer fram í fjarfundi. 

Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu. 

Nálgast má frekari upplýsingar um tímasetningar hér

Við kveðjum tvo starfsmenn nú um áramótin en Sigurbjörg Hannesdóttir fræðslustjóri hættir störfum eftir 5 ára starf. Einnig hættir Anna Sigga sálfræðingur störfum þar sem hún flyst búferlum. 

Við munum sakna þeirra og þökkum þeim kærlega fyrir samstarfið. 

Thelma Jónsdóttir mun hefja störf á nýju ári sem fræðslustjóri samtakanna. 

Thelma starfaði síðast sem framkvæmdastjóri Markaðsstofu Hafnarfjarðar, hún hefur einnig starfað við markaðs- og kynningarmál hjá Háskóla Íslands og fleiri stöðum. 

Thelma er með MBA próf frá Háskóla Íslands og MA próf í fjölmiðla- og boðskiptafræði frá Freie Universitat og Humboldt Universitat í Berlín. 

Við hlökkum til að vinna með Thelmu á nýju ári. 

Árið 2024 hefur verið viðburðaríkt hjá Alzheimersamtökunum. 

Verkefnin eru brýn, krefjandi en umfram allt ánægjuleg með allan þann stuðning sem við finnum fyrir frá ykkur fólkinu í kringum samtökin. Einnig er ómetanlegt að finna fyrir þeim velvilja sem er auðsjáanlegur á þátttöku í þeim viðburðum sem við stöndum fyrir. Þátttakan endurspeglar auðvitað líka þá miklu þörf sem er í samfélaginu á aukinni fræðslu og bættri þjónustu við einstaklinga með heilabilun og aðstandendur þeirra.  

Við horfum til baka þakklát og full tilhlökkunar fyrir komandi verkefnum á nýju ári. 

Hér að neðan er stiklað á stóru í starfsemi samtakanna á árinu 2024:

Á Íslandi er talið að á milli 5-6.000 einstaklingar glími við heilabilun. 

Heilabilun er ekki eðlileg öldrun, en með hækkandi aldri aukast líkurnar á heilabilun.

Ein besta forvörnin gegn heilabilun er regluleg hreyfing. 

Menntun og hugræn virkni á lífsleiðinni er verndandi þáttur gagnvart heilabilun.

Neyttu næringarríks mataræðis til að draga úr líkunum á veikindum síðar á ævinni. 

Þjálfaðu heilann reglulega og haltu áfram að læra út lífið.

Félagsleg tengsl minnka bæði líkur á heilabilun og hægja á framgangi heilabilunar. 

Heyrnarskerðing og sjónskerðing er áhættuþættir fyrir heilabilun. Nýttu þau hjálpartæki sem eru í boði til að minnka líkur á heilabilun. 

Konur eru líklegri til að greinast með Alzheimer.

Alzheimersamtökin vinna að hagsmunamálum fólks með heilabilunarsjúkdóma með meðal annars stuðningi, ráðgjöf og fræðslu. Á þessari síðu er að finna ýmsar upplýsingar er varðar heilabilunarsjúkdóma og síðan er ætluð þeim sem veikjast, aðstandendum og fagfólki. Áætlað er að um 5000 manns séu með heilabilunarsjúkdóm á Íslandi og um 300 manns undir 65 ára aldur sem kallast snemmgreind heilabilun.  Heilabilunarsjúkdómar eru ekki hluti af eðlilegri öldrun. 

Skrifstofa s. 533 1088 og ráðgjafi s. 520 1082

Upptaka frá fræðslufundi með Jóni Snædal um stöðuna í lyfjamálum.

Fróðleikur um starfsemi sem er í gangi og nýjungar

Þekkir þú einkenni heilabilunar?

Þekkir þú einkenni heilabilunar?

Hafðu samband

Styrkja samtökin

Fræðslufundur 19/11/24

Senda minningarkort

Fréttir

Hafðu samband

Styrkja samtökin

Fræðslufundur 19/11/24

Viðburðir á döfinni

8

Stuðningshópur fyrir aðstandendur með maka með heilabilun á hjúkrunarheimili

9

Alzheimerkaffi í Hæðargarði 31

13

Rafrænn stuðningshópur fyrir aðstandendur fólks með heilabilun

Vissir þú að...

Fréttir frá samtökunum

Dagskrá janúar mánaðar

Hátíðarkveðja

Árið 2024 í máli og myndum

Vörur í boði

Stuttermabolur

Hálsmen og lyklakippa

Taupoki og buff

Við erum hér til að hjálpa