RÁÐGJAFASÍMINN
533 10 88
SENDA
MINNINGARKORT
GERAST
FÉLAGI
Innkaupakerra
Fréttir & Viðburðir

FRESTAÐ VEGNA VEÐURS - Fræðslufundur í Snæfellsbæ

13/02/2018

ATHUGIÐ!

 

Fræðslufundi sem átti að vera í Snæfellsbæ á morgun, miðvikudaginn 14. febrúar hefur verið frestað vegna veðurs. 

Við reynum aftur í næstu viku og stefnum á fimmtudaginn 22. febrúar :) 

Vel sóttur fræðslufundur á Selfossi

30/01/2018

Alzheimersamtökin stóðu í gærkvöldi fyrir opnum fræðslufundi á Selfossi í samstarfi við tengilið sinn þar, Ragnheiði Kristínu Björnsdóttur forstöðumann dagdvala í Árborg. Fundurinn var haldinn í aðalsalnum í Grænumörk 5 og var afar vel sóttur. Það er greinilega mikill áhugi á málefnum fólks með heilabilun á Selfossi. 

 

Fræðslustjóri Alzheimersamtakanna, Sirrý Sif Sigurlaugardóttir félagsráðgjafi kynnti starfsemi þeirra og nýjustu áherslur í þjónustu við fólk með heilabilun áður en Ragnheiður tók við og kynnti starfsemi Vinaminnis sem er sérhæfð dagþjálfun fyrir fólk með heilabilun á Selfossi. Önnur tveggja á landsbyggðinni en hin er í Reykjanesbæ. 

 

Starfsfólk og notendur Vinaminnis höfðu bakað kleinur sem boðið var upp á og starfsfólkið sá jafnframt um að hella upp á kaffi fyrir gesti fundarins. Við þökkum kærlega fyrir góðar móttökur og hlökkum til að koma aftur á Selfoss. 

Opið fyrir skráningu á Grunnnámskeið um heilabilun

24/01/2018

Opnað hefur verið fyrir skráningu á Grunnnámskeið fyrir fagaðila um heilabilun í apríl 2018. 

 

Grunnnnámskeið Alzheimersamtakanna um heilabilun verður haldið í Reykjavík föstudaginn 13. apríl kl.09:00-17:00 í Hásal Setursins í Hátúni 10, 105 Reykjavík. (Húsnæði Alzheimersamtakanna) og á Akureyri föstudaginn 20. apríl kl.09:00-17:00 í Samkomusalnum á Hlíð, dvalar- og hjúkrunarheimili á Akureyri.  

 

Þátttökugjald er 20.000 kr.- á mann. Allir fá viðukenningarskjal sem staðfestir þátttöku. Hámarksfjöldi þátttakenda er 30 á hvorum stað. 

 

Markhópur: Námskeiðið er ætlað fagaðilum sem starfa með eða hafa hug á að starfa með fólki með heilabilun.

 

Kennarar eru: 

  • Arna Rún Óskarsdóttir, yfirlæknir Öldrunarlækningadeildar Sjúkrahússins á Akureyri.
  • Friðný Sigurðardóttir, viðskiptafræðingur og forstöðumaður stoðþjónustu Öldrunarheimila Akureyrarbæjar.
  • Helga Erlingsdóttir, hjúkrunarfræðingur og hjúkrunarforstjóri Öldrunarheimila Akureyrarbæjar.
  • Helga Eyjólfsdóttir, sérfræðingur í lyf- og öldrunarlækningum PhD á Landspítala Háskólasjúkrahúsi. 
  • Rannveig Guðnadóttir, hjúkrunarfræðingur og brautarstjóri við Háskólann á Akureyri.
  • Sigríður Sigurðardóttir, hjúkrunarfræðingur og hjúkrunarstjóri fræðslu- og gæðamála á Grund, Mörk og Ási.
  • Sirrý Sif Sigurlaugardóttir, félagsráðgjafi MA og fræðslu- og verkefnastjóri Alzheimersamtakanna.

 

Námskeiðslýsing: 
-Líffræði heilabilunarsjúkdóma, greining og meðferð.    
-Einstaklingsmiðuð umönnun PCC (Person Centered Care)    
-Að hámarka vellíðan hjá fólki með heilabilun / Lífsgæði fólks með heilabilun    
-Samskipti og heilabilun / Fjölskyldukerfið    
-Heilabilunarráðgjöf og samfélagið DFC (Dementia Friendly Communities)    

 

Smelltu hér til að skrá þig í Reykjavík

Smelltu hér til að skrá þig á Akureyri

Stofnfundur Stuðningsnets sjúklingafélaganna

18/01/2018

Stuðningsnet sjúklingafélaganna er nýr vettvangur fyrir jafningjastuðning fyrir þá sem hafa greinst með sjúkdóm og aðstandendur þeirra. Að Stuðningsnetinu standa fjórtán hagsmunasamtök sjúklinga á Íslandi og fleiri eru væntanleg til samstarfsins.

Stuðningsnetið styðst við aðlagað vinnuferli og námsefni frá Krafti, stuðningsfélagi fyrir ungt fólk sem greinst hefur með kabbamein og aðstandendur þeirra. Opnaður hefur verið vefur og haldin þrjú námskeiði sem um 30 stuðningsfulltrúar frá ólíkum félögum hafa sótt. Opið er fyrir ný sjúklingafélög að koma að Stuðningsnetinu hvenær sem er.

Stuðningsfulltrúar geta þeir orðið sem sjálfir greinst hafa með svipaða sjúkdóma eða eru aðstandendur. Stuðningsfulltrúar skrifa undir trúnaðaryfirlýsingu og fá þjálfun í að veita stuðning. Starfsmenn Stuðningsnetsins halda svo utan um endurgjöf og eftirfylgd með hverju stuðningsverkefni, og stuðningsfulltrúar hljóta viðeigandi handleiðslu og símenntun.

Stofnfundur Stuðningsnets sjúklingafélaganna verður haldinn fimmtudaginn 18. janúar kl. 18:00 í Hásal Setursins, Hátúni 10b Reykjavík (vesturendi) og mun Birgir Jakobsson landlæknir flytja opnunarávarp. 

Formleg starfsemi Stuðningsnetsins hefst strax að loknum stofnfundi og gefst þá almenningi kostur á að nýta sér þjónustu Stuðningsnetsins gegnum vef þess studningsnet.is

20
feb

Samverustund að degi

20/02/2018
kl. 13:30 - 15:00

Staðsetning

Hátúni 10, 105 Reykjavík

Tími

Kl. 13:30 - 15:00

Stutt lýsing

Mánaðarlegar samverustundir að degi fyrir aðstandendur fólks með heilabilun.

Aðstandendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili.

Markmiðið með samverunni er að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

 

Allir aðstandendur fólks með heilabilun eru hvattir til að koma og spjalla. Ekki þarf að skrá sig og aðgangur er ókeypis.

20
feb

Alzheimer kaffi í Vestmannaeyjum

20/02/2018
kl. 17:00 - 18:30

Staðsetning

Kvika félagsheimili við Heiðarveg, 3. hæð.

Tími

Kl. 17:00 - 18:30

Stutt lýsing

Fyrsta Alzheimerkaffi 2018 í Eyjum verður þriðjudaginn 20.febrúar kl 17:00 Í Kviku, félagsheimilinu við Heiðarveg 3.hæð.

Sæunn Magnúsdóttir, lögmaður og fulltrúi hjá Sýslumannsembættinu er gestur okkar að þessu sinni. Lagalega hliðin í málefnum fólks með heilabilun er viðfangsefni hennar framsögu.
Allir velkomnir.
Alzheimer -stuðningsfélag Vestmannaeyjum

26
feb

Kynning á Heilsuveru

26/02/2018
kl. 17:00

Staðsetning

Hásalur, Hátúni 10, 105 Reykjavík

Tími

Kl. 17:00

Stutt lýsing

Félögin í Setrinu, Hátúni 10 bjóða til sameiginlegs fræðslufundar í Hásal mánudaginn 26. febrúar næstkomandi. 

Margrét Héðinsdóttir vefstjóri Heilsuveru kynnir upplýsingavefinn Heilsuvera.is 

Heilsuvera.is

Heilsuvera er vefur fyrir almenning um heilsu og áhrifaþætti hennar. Inn á mínum síðum er öruggt vefsvæði þar sem hægt er að eiga í samskiptum við starfsfólk heilbrigðisþjónustunnar og nálgast gögn úr eigin sjúkraskrá.

Heilsuvera er samstarfsverkefni Heilsugæslu höfuðborgarsvæðisins og Embættis landlæknis. Markmið síðunnar er að koma á framfæri til almennings áreiðanlegri þekkingu um þroska, heilsu og áhrifaþætti heilbrigðis. Fjölmargir sérfræðingar og leikmenn hafa lagt okkur lið með yfirlestri, ábendingum og góðum ráðum. Við kunnum þeim öllum bestu þakkir fyrir.

Verkefnið hefur hlotið styrk frá Lýðheilsusjóði.

Ritstjórn vefsins skipa:

Fulltrúar Þróunarsviðs heilsugæslunnar:
Margrét Héðinsdóttir, vefstjóri Heilsuveru
Ragnheiður Ósk Erlendsdóttir, sviðsstjóri skólasviðs
Sesselja Guðmundsdóttir, sviðsstjóri ung- og smábarnaverndar

Fulltrúar sviðs áhrifaþátta heilbrigðis, Embætti landlæknis:
Rafn M. Jónsson, verkefnastjóri
Sveinbjörn Kristjánsson, sérfræðingur

Fulltrúar sviðs heilbrigðisupplýsinga, Embætti landlæknis:
Guðrún Auður Harðardóttir, verkefnisstjóri 
Ingi Steinar Ingason, teymisstjóri rafrænnar sjúkraskrár

27
feb

Samverustund að kvöldi

27/02/2018
kl. 19:30 - 21:00

Staðsetning

Hátúni 10, 105 Reykjavík

Tími

Kl. 19:30 - 21:00

Stutt lýsing

Mánaðarlegar samverustundir að kvöldi fyrir aðstandendur fólks með heilabilun.

Aðstandendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili.

Markmiðið með samverunni er að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

 

Allir aðstandendur fólks með heilabilun eru hvattir til að koma og spjalla. Ekki þarf að skrá sig og aðgangur er ókeypis.

VEFTRÉ
W:
H: