Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

04_Alzhkaffi Hæðargarði apríl_24.pdf

Valný Óttarsdóttir verkefnastjóri hjá Reykjavíkurborg verður með stutta kynningu á þróunarverkefninu Sigurvin sem er á vegum Velferðasviðs Reykjavíkurborgar og felur í sér félagslegan stuðning fyrir einstaklinga með heilabilun til að létta álagi á aðstandendur.

Njótum þess að hittast og vera saman. Hlusta á kynningu á Sigurvin þróunarverkefninu, spjalla og gæða okkur á góðum veitingum sem Soroptimistar annast. Og síðast en ekki síst skulum við njóta þess að syngja saman við stjórn og undirleik Sveins Arnars Sæmundssonar. 

Ekki þarf að skrá sig, bara mæta á staðinn. Kaffigjald er 500,- kr.

Alzheimerkaffi er ætlað fólki með heilabilun og aðstandendum þeirra. Tilgangurinn er að gefa fólki tækifæri til að koma saman, þar sem þeirra þörfum er mætt og opna umræðu um áskoranir fólks með heilabilun. 

Alzheimerkaffi í Hæðargarði 31

Við erum hér til að hjálpa