Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Í byrjun janúar 2006 tók til starfa dagþjálfun fyrir fólk með heilabilun að Strandgötu 75 í Hafnarfirði. Hlaut hún nafnið Drafnarhús. Hafnarfjarðarbær lagði til húsnæði fyrir starfsemina. Drafnarhús er dagþjálfun rekin af Alzheimersamtökunum. 

Markmið dagþjálfana í rekstri Alzheimersamtakanna er að:

viðhalda sjálfstæði einstaklingsins eins lengi og kostur er með því að styrkja líkamlega og vistmunalega hæfni hans og  stuðla þannig að því að hann geti búið sem lengst heima.

rjúfa félagslega einangrun og efla þátttöku í daglegum athöfnum.

efla sjálfstraust, draga úr vanlíðan og vanmáttakennd.

Tekið er mið af getu hvers og eins þannig að einstaklingurinn fái að njóta sín og finni fyrir öryggi og vellíðan.
Alls dvelja í húsinu dag hvern 22 einstaklingar með heilabilun.

Drafnarhús

Við erum hér til að hjálpa