Suðurgata 41 í Hafnarfirði (Lífsgæðasetrið)

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Aðalfundur Alzheimersamtakanna fór fram þann 14. apríl 2025 í Lífsgæðasetrinu í Hafnarfirði. 

Ný stjórn var kosin á fundinum þar sem Vilborg Gunnarsdóttir fyrrverandi framkvæmdastjóri og stjórnarmaður undanfarin ár ákvað að sækjast ekki eftir endurkjöri. Alzheimersamtökin þakka Vilborgu kærlega fyrir ómetanlegt starf í þágu samtakanna undanfarin ár og óskar henni velfarnaðar. 

Sigríður Dögg Auðunsdóttir er nýr stjórnarmaður og bjóðum við hana velkomna í hópinn.

Ragnheiður Ríkharðsdóttir var endurkjörin formaður til eins ár. 

Á myndinni má sjá Ragnheiði á milli Vilborgar og Sigríðar.

Aðalfundargerð 2025.pdf

Hér má nálgast fundargerð aðalfundar.

Aðalfundur 2025

Við erum hér til að hjálpa