Vel heppnuð bekkjarganga

Fyrsta bekkjarganga Alzheimersamtakanna fór fram laugardaginn 8. júní þegar gengið var frá fjólubláa bekknum við Sundhöllina í Hafnarfirði og að skrifstofu samtakanna í Lífsgæðasetrinu í St. Jósefsspítala í Hafnarfirði.

Óhætt er að segja að viðburðurinn hafi heppnast vel en hátt í hundrað manns mættu, bæði í gönguna og kaffi eftir gönguna í Lífsgæðasetrinu. Ljóst að þessi viðburður er kominn til að vera.

Bekkjargangan er liður í því að stuðla að líkamlegri og félagslegri virkni sem eru mikilvægir þættir almennrar heilsu. Rannsóknir hafa einnig sýnt að með líkamlegri og félagslegri virkni getum við meðal annars minnkað líkur á heilabilun, hægt á framgangi sjúkdóma sem valda heilabilun og einnig minnkað einkenni.

Takk öll fyrir komuna og sjáumst að ári 💜