Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Heilabilunarsjúkdómar hafa djúpstæð áhrif á fjölskyldulífið. Hlutverk breytast og eðli samskipta verður öðruvísi. Þegar greiningin er komin fram, þarf því að komast að niðurstöðu um hvernig haga skuli lífinu með heilabilun. Þegar sjúkdómurinn ágerist fer ástand hins veika versnandi. Það þýðir að fjölskyldan þarf stöðugt að aðlaga sig og finna nýjar lausnir á þeim vandamálum sem fylgja sjúkdómnum. Það krefst orku og þolinmæði, sem oft getur reynst erfitt þegar vandamálin hlaðast upp. 

Fólk með heilabilun og aðstandendur þeirra þurfa því á ráðgjöf, leiðbeiningum og stuðningi að halda. Ekki er vitað hversu margir á Íslandi lifa með heilabilun í daglegu lífi, annað hvort vegna þess að þeir eru sjálfir með heilabilun eða vegna þess að einhver í fjölskyldunni er með heilabilun. Að eiga samskipti við aðra sem eru í sömu aðstæðum og maður sjálfur getur verið mikil styrkur til að takast á við daglegt líf með heilabilun.

Hér má nálgast upptöku af mjög fróðlegu fræðsluerindi Þórdísar Bjarnadóttur hæstaréttarlögmanns um fjármál og heilabilun. Alzheimersamtökin bjóða félagsmönnum sínum símtal við lögfræðing þeim að kostnaðarlausu. Eingöngu er um að ræða ráðgjöf í gegnum síma, en ekki rekstur mála eða skjalagerð. Hægt er að panta tíma í síma 533 1088 eða senda póst á alzheimer@alzheimer.is

Ekki skiptir máli hvar í ferlinu einstaklingur eða fjölskylda er stödd þegar pantað er viðtal. Fyrir þá sem ekki eiga heimangengt eða búa utan höfuðborgarsvæðisins má hringja og óska eftir ráðgjafaviðtali í gegnum síma eða fjarfundarbúnað.  Ráðgjöfin er öllum að kostnaðarlausu.

Lífsgæðasetur St.Jó, 3.hæð, Suðurgata 41, Hafnarfjörður

Markmið Alzheimersamtakanna er að miðla upplýsingum til fólks með heilabilun, aðstandenda, fagaðila og annarra sem láta sig málefnið varða.

Alzheimersamtökin og Félags- og vinnumarkaðsráðuneytið skrifuðu undir samning þess efnis að Alzheimersamtökin taki að sér upplýsinga- og ráðgjafaþjónustu fyrir einstaklinga með heilabilun og aðstandendur þeirra um land allt. Þjónustan er þáttur í aðgerðaráætlun stjórnvalda í málefnum eldra fólks: Gott að eldast

Boðið er upp á ráðgjöf á staðnum, í fjarviðtali eða í síma. Hægt er að panta tíma í ráðgjöf í síma 520-1082, senda póst á radgjafi@alzheimer.is eða með því að fyllta út formið hér að neðan. Ráðgjöfin er öllum að kostnaðarlausu.

Ráðgjafasíminn er opinn mánudaga til fimmtudaga kl. 09:00-15:00 og föstudaga kl. 09:00-12:00. 

Ráðgjafarþjónusta

Senda fyrirspurn um ráðgjöf

Við erum hér til að hjálpa