Stuðningshópar
Aðstandendur eru fjölbreyttur hópur með ólíkar þarfir en eiga það sameiginlegt að eiga ástvin heima, í dagþjálfun eða á hjúkrunarheimili.
Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni.
Stuðningur annarra í svipuðum aðstæðum getur bætt líðan og dregið úr streitu. Allir stuðningshópar eru auglýstir undir viðburðir og hóparnir eru mismundandi eftir þörfum aðstandenda.
Tegundir stuðningshópa
- Fyrir aðstandendur fólks með heilabilun
- Fyrir yngri afkomendur fólks með heilabilun
- Fyrir fólk sem á maka með heilabilun á hjúkrunarheimili
-Fyrir aðstandendur fólks með Lewy-body sjúkdóm
-Rafrænn stuðningshópur sem fer fram í fjarfundi
Umsjón með hópum
Brynhildur Jónsdóttir sálfræðingur hefur umsjón með stuðningshópum Alzheimersamtakanna. Eftir mastersnám starfaði hún á Minnismóttökunni á Landkoti við taugasálfræðilegar greiningar á fólki sem þangað leitaði vegna gruns um byrjandi heilabilun. Brynhildur starfaði einnig sem klínískur sálfræðingur á Áfalla- og sálfræðimiðstöðinni þar sem hún sinnti greiningum og meðferð á sálrænum vanda hjá fullorðnum.