Lífsgæðasetur St.Jó 3.hæð, Suðurgata 41

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Taktu þátt í rafræna stuðningshópnum með því að ýta á hlekk hér fyrir neðan.

Anna Sigga Jökuls Ragnheiðardóttir sálfræðingur

Stuðningshópurinn er í umsjón Önna Siggu Jökuls Ragnheiðardóttur. Anna Sigga hefur starfað sem klínískur sálfræðingur í 14 ár. Lengst af á öldrunardeildum LSH, krabbameinsfélaginu Krafti og Kvíðameðferðarstöðinni. Þar hefur hún sinnt mati og meðferð meðal annars í tengslum við langvinn veikindi, streitu, áföll, kvíða og lágt sjálfsmat.

Aðstandendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili. Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

Fyrsti fundurinn verður haldinn mánudaginn 14.október 2024 kl. 12:00-13:00.

Rafrænn stuðningshópur fyrir aðstandendur fólks með heilabilun 

Rafrænn stuðningshópur fyrir aðstandendur fólks með heilabilun

Við erum hér til að hjálpa