Suðurgata 41 í Hafnarfirði (Lífsgæðasetrið)

Alzheimersamtökin starfa um land allt og vinna að hagsmunamálum fólks með heilabilunarsjúkdóma með stuðningi, ráðgjöf og fræðslu. Heilabilunarsjúkdómar eru ekki hluti af eðlilegri öldrun. Alzheimerssjúkdómur er  taugahrörnunarsjúkdómur og algengasta orsök heilabilunar. Alois Alzheimer var þýskur læknir sem árið 1906 lýsti einkennum sjúkdómsins fyrstur manna og sýndi hann jafnframt fram á mjög einkennandi breytingar í heila sjúklingsins. Sjúkdómurinn er algengastur hjá eldra fólki, en yngri einstaklingar geta líka veikst. 

Aðstandendur fólks með Alzheimer eða aðra heilabilun eiga það sameiginlegt að eiga ástvin heima, í dagþjálfun eða hjúkrunarheimili.

Markmið samverunnar er að hittast, spjalla og deila reynslunni. Stuðningur annara í svipuðum aðstæðum getur bætt líðan og dregið úr streitu.

Samvera og kaffispjall fyrir aðstandendur á Höfn

Stuðningshópurinn er í umsjón Katrínar Mjallar Halldórsdóttur. Katrín Mjöll er með meistaragráðu í klínískri sálfræði frá Háskólanum í Reykjavík. Þá er hún ein af þáttastjórnendum hlaðvarpsins Kvíðakastið og kemur einnig að kennslu í grunnnámi og meistaranámi við ýmsa háskóla, ásamt því að leiðbeina í BSc lokaverkefnum.   

Afkomendur eru fjölbreyttur hópur með ólíkar þarfir en á það sameiginlegt að eiga ástvin heima, í dagþjálfun eða á hjúkrunarheimili. 

Hóparnir byggjast á hugmyndafræði jafningjastuðnings og er markmiðið með samverunni að hittast, spjalla og deila reynslunni. Stuðningur annarra í svipuðum aðstæðum getur bætt líðan og dregið úr streitu.

Lífsgæðasetur St. Jó - 3. hæð, Suðurgata 41, 220, Hafnarfjörður

Stuðningshópur fyrir fólk sem á foreldra með heilabilun

Hittumst við Steinagarðinn við Sandbakka. Göngum saman í um klukkustund og endum við fjólubláa bekkinn okkar. Við hvetjum öll til þess að koma og taka þátt í göngunni með okkur.

Tilgangur göngunnar er að vekja athygli á og stuðla að umræðu um heilabilun sem er mikilvægur þáttur í að minnka fordóma í samfélaginu. Þá er þetta jafnframt liður í því að stuðla að líkamlegri og félagslegri virkni sem eru mikilvægir þættir almennrar heilsu. 

Gangan er jafnframt hluti af 40 ára afmælisfögnuði Alzheimersamtakanna í ár.

Það var fullur salur hjá okkur í vikunni þegar Ásta Kristín, ráðgjafi samtakanna, hélt fræðandi og áhrifaríkan fyrirlestur um mikilvægi þess að fá ráðgjöf strax í kjölfar greiningar.

Ásta Kristín lagði áherslu á að ráðgjöf strax eftir greiningu geti skipt sköpum. Þar sé hægt að leggja grunn að upplýstum ákvörðunum og stuðningi sem bætir lífsgæði verulega, bæði fyrir einstaklinginn og aðstandendur hans.

Í fyrirlestrinum fjallaði Ásta Kristín meðal annars um mikilvægi góðra samskipta og hvernig þau breytist. Þá gaf hún hagnýt ráð um daglegt líf með heilabilun og kom inn á málefni eins og akstur. Hún minnti einnig á að aðstandendur þurfi að huga að eigin velferð og nýta þann stuðning sem stendur þeim til boða.

Við teljum líklegt að margir þeirra sem mættu á fyrirlesturinn óski eftir ráðgjöf á næstunni. Hægt er að fá viðtal við Ástu Kristínu á skrifstofu samtakanna í St. Jó, í síma eða á fjarfundi. Ráðgjöfin er öllum að kostnaðarlausu.
 
Nánari upplýsingar um tímabókun.

Því miður komu upp tæknileg vandamál og tókst hvorki að streyma fyrirlestrinum né taka hann upp. Við höfum því ákveðið að halda fyrirlesturinn aftur þriðjudaginn 19. ágúst og tryggjum þá upptöku.


Mikilvægt að fá ráðgjöf sem fyrst – vel heppnaður fyrirlestur

Nýverið héldum við fræðsluerindi um starfsemi samtakanna, heilabilun og samskipti á tveimur stöðum í Reykjavík.

Fyrra erindið fór fram í Félagsmiðstöð eldri borgara og öryrkja að Norðurbrún 1, að beiðni virkniþjálfa á staðnum. Seinna erindið var haldið á starfsdegi starfsmanna í heimaþjónustu Reykjavíkurborgar, þar sem sköpuðust líflegar og gagnlegar umræður.

Það er okkur alltaf ánægjulegt og mikilvægt að fá tækifæri til að miðla fræðslu af þessu tagi. Eitt af hlutverkum samtakanna er að auka þekkingu og skilning á heilabilun og þeim áskorunum sem fylgja sjúkdómnum, sem og veita gagnlegar ráðleggingar. 

Við þökkum fyrir góðar móttökur og minnum á að hægt er að óska eftir fræðslu með því að senda tölvupóst á alzheimer@alzheimer.is

Það var vel tekið á móti okkur á Austfjörðum þar sem við héldum nýverið nokkur fræðsluerindi. Fræðsla er mikilvægur hluti af starfi samtakanna og gegnir lykilhlutverki í að auka þekkingu og skilning á heilabilunarsjúkdómum. Slík þekking er afar mikilvæg til að draga úr fordómum og stuðla að betra samfélagi. 

Fyrsti áfangastaður – Seyðisfjörður 

Ásta Kristín Guðmundsdóttir, ráðgjafi samtakanna, og Thelma Jónsdóttir, fræðslustjóri, hófu ferðina með opnu fræðsluerindi á Seyðisfirði. Þar starfa tveir Alzheimertenglar sem aðstoðuðu m.a. við skipulagningu ferðarinnar. Fundurinn tókst vel og sköpuðust góðar og einlægar umræður. 

Næst lá leiðin til Reyðarfjarðar. Fyrsti fundurinn þar var með starfsfólki í heimaþjónustu og heimahjúkrun í Fjarðabyggð. Miklar og áhugaverðar umræður sköpuðust og voru fundargestir þakklátir og ánægðir eftir fróðlegan og uppbyggilegan fund. 

Síðar sama dag var haldið opið fræðsluerindi sem var vel sótt af aðstandendum einstaklinga með heilabilun og öðrum áhugasömum. Þar tóku einnig til máls teymisstjórar sameinaðs teymis heimahjúkrunar og heimaþjónustu í Fjarðabyggð og lýstu þjónustu sinni við einstaklinga með heilabilun. 

Ferðir eins og þessar eru okkur ákaflega mikilvægar en þá myndum við oft góð tengsl og margir leita til okkar í kjölfarið eftir ráðgjöf og stuðning. Í þetta sinn gengu tveir nýir Alzheimertenglar í Fjarðarbyggð til liðs við okkur, eitthvað sem við fögnum mjög. Þeir munu eflaust stuðla að aukinni fræðslu og stuðningi í sinni heimabyggð. 

Við þökkum öllum sem tóku á móti okkur og hlýddu á okkur í þessari ferð. Það var ánægjulegt að finna fyrir áhuga og þakklæti, sem er góð hvatning í okkar mikilvæga starfi. 


Ef áhugi er á að fá fræðsluerindi frá Alzheimersamtökunum, er velkomið að hafa samband á netfangið alzheimer@alzheimer.is

Við útbjuggum stutt myndband um ferðina okkar sem má horfa á hér

Vel heppnuð fræðsluferð á Austfirði 

Á Íslandi er talið að á milli 5-6.000 einstaklingar glími við heilabilun. 

Heilabilun er ekki eðlileg öldrun, en með hækkandi aldri aukast líkurnar á heilabilun.

Ein besta forvörnin gegn heilabilun er regluleg hreyfing. 

Menntun og hugræn virkni á lífsleiðinni er verndandi þáttur gagnvart heilabilun.

Neyttu næringarríks mataræðis til að draga úr líkunum á veikindum síðar á ævinni. 

Þjálfaðu heilann reglulega og haltu áfram að læra út lífið.

Félagsleg tengsl minnka bæði líkur á heilabilun og hægja á framgangi heilabilunar. 

Heyrnarskerðing og sjónskerðing er áhættuþættir fyrir heilabilun. Nýttu þau hjálpartæki sem eru í boði til að minnka líkur á heilabilun. 

Konur eru líklegri til að greinast með Alzheimer.

Alzheimersamtökin vinna að hagsmunamálum fólks með heilabilunarsjúkdóma með meðal annars stuðningi, ráðgjöf og fræðslu. Á þessari síðu er að finna ýmsar upplýsingar er varðar heilabilunarsjúkdóma og síðan er ætluð þeim sem veikjast, aðstandendum og fagfólki. Áætlað er að um 5000 manns séu með heilabilunarsjúkdóm á Íslandi og um 300 manns undir 65 ára aldur sem kallast snemmgreind heilabilun.  Heilabilunarsjúkdómar eru ekki hluti af eðlilegri öldrun. 

Skrifstofa s: 533 1088 og ráðgjafi s: 520 1082

Fáðu nýjustu upplýsingar og fréttir í tölvupósti

Fróðleikur um starfsemi sem er í gangi og nýjungar

Þekkir þú einkenni heilabilunar?

Þekkir þú einkenni heilabilunar?

Styrkja samtökin

Fræðslufundir

Hafðu samband

Skráning á póstlista

Fréttir

Styrkja samtökin

Fræðslufundir

Hafðu samband

Viðburðir á döfinni

20

Samvera og kaffispjall fyrir aðstandendur á Höfn

21

Stuðningshópur fyrir fólk sem á foreldra með heilabilun

24

Bekkjaganga á Höfn

Vissir þú að...

Fréttir frá samtökunum

Mikilvægt að fá ráðgjöf sem fyrst – vel heppnaður fyrirlestur

Fræðsluerindi í Reykjavík

Vel heppnuð fræðsluferð á Austfirði

Vörur í boði

Stuttermabolur

Hálsmen og lyklakippa

Taupoki og buff

Við erum hér til að hjálpa